Qeveria greke po shpejton procedurat për një marrëveshje për të përcaktuar kufijtë detarë me Shqipërinë. Sipas informacionit, ministri i Jashtëm, Nikos Dendias së shpejti do të vizitojë Tiranën për bisedime, por ende nuk është caktuar ndonjë datë.
Kanalet me qeverinë shqiptare, megjithatë, janë të hapura dhe ka shumë të ngjarë që vizita në Tiranë që do të rinisë dialogun do të zhvillohet me kthimin e Nikos Dendias nga New York, ku të premten ai është planifikuar të takohet me Sekretarin e Përgjithshëm, Antonio Guterres.
Në debatin e fundit në Parlament mbi ratifikimin e marrëveshjeve për zonat detare me Italinë dhe Egjiptin, si kryeministri, ashtu dhe ministri i Jashtëm informuan delegacionin kombëtar se plani i Athinës është të rinisë bisedimet me qeverinë shqiptare për një zgjidhje përfundimtare.
Nikos Dendias pati një telefonatë me kryeministrin shqiptar, Edi Rama, me të cilin u dakordësua për të rifilluar bisedimet së shpejti, pas zgjerimit të ujërave terrtoriale greke në Jon, për të zgjidhur çështjen e zonave detare me Shqipërinë.
Në fakt, për shkak të krizës greko-turke, por edhe sepse marrëveshjet me Italinë dhe Egjiptin kishin përparësi dhe nuk ishin ratifikuar nga Parlamenti, bisedimet midis Athinës dhe Shqipërisë nuk mund të fillonin në gusht.
Megjithatë, qëllimi i qeverisë greke nuk është të vonojë dialogun me Shqipërinë për çështjen detare, duke synuar në dy drejtime: Nga njëra anë, për të përfunduar konsultimet me Tiranën së shpejti dhe për të nënshkruar marrëveshjen përkatëse.
Nga ana tjetër, sepse në një kohë kur Turqia po provokon dhe shkel ligjin ndërkombëtar, Athina dëshiron të dërgojë mesazhin në Ankara se po diskuton dhe po vjen në marrëveshje me vendet fqinje, bazuar në Konventën për Ligjin e Detit.
Por sigurisht që nuk është vetëm kjo. Në vitet e fundit, Turqia është përpjekur të ushtrojë ndikim në Ballkan, edhe në Shqipëri, dhe si pasojë, ndryshimet kronike të Greqisë dhe problemet me vendet fqinje i shërbejnë politikës turke.
Gjithashtu nuk duhet harruar që në fillim të verës, Admirali turk Cihat Yaici kishte pohuar në një intervistë se Turqia ishte ajo që kishte prishur marrëveshjen Athinë-Tiranë të vitit 2009 për shënjimin e zonave të detit.
Me fjalë të tjera, Yaici thelbësisht zbuloi se Turqia ndërhyri, duke paralajmëruar shqiptarët se Greqia po i mashtronte, me rezultat që marrëveshja të anulohej.
Greqia dhe Shqipëria kishin nënshkruar një marrëveshje mbi caktimin e zonave detare në prill 2009, me ministren e Jashtme Dora Bakojanis dhe kryeministrin Kostas Karamanlis.
Marrëveshja u nënshkrua, por në verën e të njëjtit vit ajo u anulua. Opozita e atëhershme shqiptare (partia e Edi Ramës) e dërgoi marrëveshjen në Gjykatën Kushtetuese të Shqipërisë, ku përfundimisht u anulua. Megjithatë, klima është krejtësisht e ndryshme.
Vlerësohet se bisedimet midis të dy palëve mund të zgjasin pak kohë, por tani ato nuk do të fillojnë nga e para pasi baza për bisedimet e reja është marrëveshja e vitit 2009.
*Marrë nga mediat greke “Ta Nea”, “To vima”
