Maratona “Këngë Moj” i dha fund mbrëmjen e djeshme rrugëtimit të saj.
E ku tjetër përveçse kryeqytetit tonë, Tiranës do të mund të bëhej mbyllja e këtij eventi të jashtëzakonshëm muzikorë.
Emrat më të njohur të muzikës zgjodhën që t’i bashkohen publikut artdashës kryeqytetas në mbrëmjen e fundit për këtë sezon në Amfiteatrin e Tiranës.
Dhe përkrahja e publikut nuk mungoi, duke shoqëruar përgjatë gjithë mbrëmjes me kërcime dhe duartrokitje të preferuarit e tyre, ashtu sikurse ka ndodhur përgjatë këtij rrugëtimi në çdo shesh të Shqipërisë.
Vizion Plus dhe Promotor, sollën për javë me radhë eventin më të rëndësishëm muzikor i verës, i cili ndezi sheshet e Shqipërisë, duke mbledhur në to me mijëra njerëz. Tingujt e muzikës më të mirë shqiptare të përcjellë përmes zërit të këngëtarëve më të spikatur të saj shoqëruan mbrëmjet qytet pas qyteti shpesh duke sfiduar edhe “kapriçot” e motit.
Vizion Plus, do të vijojë të sjellë tek ju këtë atmosferë përmes transmetimin të Maratona Këngë Moj çdo të mërkurë e të diel ora 21:00.
