Maqedonia vijon kthimin e 700 emigrantëve qe kaluan ilegalisht kufirin përmes lumit Konjska. Rreth 1 mijë refugjatë janë larguar nga kampi i Idhomenit në përpjekje për të hyrë në Maqedoni. Ata shoqëroheshin dhe nga grupe gazetarësh e fotografësh. Të gjithë refugjatët që kaluan lumin, janë ndaluar nga policia kufitare. Ata u strehuan në kampin e refugjatëve në Gjevgjeli dhe më pas nisi kthimi i tyre për në anën greke të kufirit. Ministria e Brendshme konfirmoi se bashkë me to ishin dhe 20 gazetarë. Përpjekja e emigrantëve për të kaluar në Maqedoni, pas mbylljes së të ashtuquajturës rruga ballkanike për emigrantët, vjen një ditë pasi një grup i vogël refugjatësh tentuan të kalonin përmes këtij shtegu, ku humbën jetën tre persona. Ndërkohë në Greqi vijojnë të mbërrijnë refugjatë të tjerë nga Siria. Kriza e refugjatëve pritet të marrë një zgjidhje në samitin e 17dhe 18 marsit në Bruksel.

Leave a Reply

Your email address will not be published.