Ministrja e Shëndetësisë, Ogerta Manastirliu, ka vizituar tek spitali i Traumës në Tiranë të plagosurit nga Tërmeti i kësaj të shtune.
Ministrja në fjalën e saj ka deklaruar se deri më tani janë raportuar 68 persona të lënduar, në Tiranë e Durrës, të cilët të cilët po marrin ndihmën e duhur nga autoritete, ndërsa theksoi se mes të lënduarve, nuk ka persona në gjendje të rëndë.
“Pashë nga afër gjendje e të lënduar. Aktualisht janë duke marrë shërbimin 21 qytetarë. Janë 52 qytetarë që kanë marrë shërbimin dhe janë larguar. Të gjithë qytetarët po marrin shërbimin e nevojshëm. Situata e tyre është e qetë dhe po bëjnë të gjitha trajtimet. Në përgjithësi situata është e qetë dhe spitalet janë përforcuar me mjekë dhe infermierë për të përballuar situatën e shtuar. Janë 68 qytetarë që po marrin shërbimet në Tiranë dhe Durrës dhe shëndetësia është në gatishmëri me të gjitha strukturat. Kanë qenë 18 qytetarët edhe në spitalin e Durrësit dhe unë do të shkojë për të parë nga afër edhe të lënduarit në spitalin e Durrësit”.
