Ministrja e Shëndetësisë Ogerta Manastirliu ka mbledhur mbrëmjen e të dielës Komitetin Teknik të Ekspertëve për të diskutuar rreth masave parandaluese për përhapjen e mundshme të koronavirusit në Shqipëri.
Në një postimi në “Facebook”, Manastirliu theksoi se çdo masë që mund të ndërmerret do të konsultohet me ekspertët. Po ashtu, bëri të ditur se nuk ka asnjë të rast të konfirmuar me virusin e rrezikshëm.
“Po diskutojmë në këto momente me ekspertët e komitetit teknik, për masat e shtuara për parandalimin e depërtimit dhe përhapjes së koronavirusit të ri, pas vendimit që hyri sot në fuqi në vendin fqinj për izolimin total të zonave të kuqe. Çdo masë e shtuar dhe vendim që do të merret, do të vendoset nga eskpertët! Deri në këto momente, nuk ka asnjë rast të konfirmuar me COVID-19 në vendin tonë!”
