Manaj i shënon edhe Fenerbahces, sulmuesi kuqezi në formë të shkëlqyer, goli i 5 në Turqi
Rey Manaj vijon të tregojë shenja të qarta të rikthimit në ditët e tij më të mira. Ish-sulmuesi i kombëtares realizoi edhe në javën e 14 të superligës turke, ndonëse skuadra e tij Sivaspor u mundën 4 me 1 në fushën e Fenerbahçe. Të zotët e shtëpisë shkuan deri në avantazhin 2 me 0 në stadiumin Shukru Saracuglu.
Mirëpo në minutën e 50 sulmuesi lushnjar tregoi reflekset e tij para portës kundërshtare duke shkurtuar diferencat e duke rihapur përkohësisht takimin. Ky në fakt ishte goli i 5 sezonal për Manajn, i cili javën e kaluar shënoi dy gola fantastik ndaj Trabzonspor.
Megjithatë një autogol i Ogumus dyhe realizimi i Xhekos, konfirmoi diferencat e mëdha ekipore mes Fenerbahçe që është në krye të kampionatit turk si dhe Sivasporit që është në vendin e 13.
Në planin personal sidoqoftë Manaj po hedh fort kandidaturën për të bindur teknikun Sylvinhoo që ta marrë në Euro 2024, ndonëse lufta për një vend në repartin ofensive është e madhe.
