Një aksident është regjistruar mbrëmjen e kësaj të marte në lagjen 15 të Durrësit.
Burime të policisë bëjnë të ditur se ngjarja ka ndodhur në zonën e Spitallës. Drejtuesi i një automjeti ka përplasur një këmbësore pranë vijave të bardha.
Nga ky aksident është dëmtuar e moshuara, rreth 75 vjeç.
Burime për Vizion Plus bëjnë me dije se 75-vjeçarja ka pësuar fraktura në të dyja këmbët dhe është transportuar me urgjencë në gjendje të rëndë drejt Spitalit të Traumës në Tiranë.
Ndërkohë policia e Durrësit ka konfirmuar se drejtuesi i automjetit është shoqëruar dhe po merret në pyetje për rrethanat e ngjarjes. /vizionplus.tv
