Makina përplas këmbësoren, 30-vjeçarja përfundon në spital

Drejtuesi i një automjeti ka aksidentuar me makinë 30-vjeçaren me iniciale E.B. Ngjarja ndodhi pasditen e kësaj të mërkure në Sarandë.

Drejtuesi i automjetit K.B., 24 vjeç ka përplasur këmbësoren me iniciale E. B., rreth 30 vjeçe, e cila është transportuar në spitalin e Sarandës për ndihmë mjeksore, jashtë rrezikut për jetën.

Për pasojë, drejtuesi i mjetit është shoqëruar në Komisariatin e Policisë Sarandë.