Macron letër Albin Kurtit: Vijoni dialogun me Serbinë, kusht për t’u afruar me BE

Kryeministri i Kosovës, Albin Kurti ka marrë një letër nga presidenti francez, Emmanuel Macron. Ai e ka uruar për marrjen e detyrës.

Në mesazhin e urimit, Macron ka ofruar mbështetjen e tij edhe për dialogun Kosovë-Serbi, për të cilin tha se duhet të përfundojë me një marrëveshje gjithëpërfshirëse. Sipas tij, kjo marrëveshje është ligjërisht e detyrueshme, dhe një nga kushtet për t’u afruar me Evropën.

“Unë e di që ju synoni të realizoni reforma thelbësore, të cilat i kërkojnë bashkëqytetarët tuaj: forcimin e shtetit të së drejtës si dhe zhvillimin ekonomik dhe shoqëror të Kosovës”, ka shkruar ndër të tjera Macron.

Po ashtu, Macron e ftoi Kurtin që ta vizitojë në Paris.