Lunaçek: Serbia të njohë Kosovën

Serbia duhet të njohë Kosovën në mënyrë që t’i hapet rruga për anëtarësim në Bashkimin Europian. Deklarata është bërë nga Ulrike Lunaçek, nënkryetarja e Parlamentit Europian, njëherësh raportere për Kosovën në këtë institucion. Gjatë një forumi në Beograd, ajo tha se njohja e Kosovës, nuk është e formuluar shprehimisht, por është e nënkuptuar në kapitujt kur flitet për fqinjësinë e mirë. Aktualisht Serbia është një proces negociatash me unionin për anëtarësim në familjen europiane.