Nga viti 2013 e deri më sot autoritetet ekuadoriane kanë sekuestruar në total 461 kilogramë kokainë, të cilat kanë pasur si destinacion Shqipërinë.

 

Të dhënat zyrtare të Ministrisë së Brendshme Ekuadoriane nisin që në vitin 2013 një vit pas hapjes së biznesit nga ana e Arber Cekaj i shpallur në kërkim.

 

12 Nëntor 2013

 

Goditjet e ngarkesave nisën në Guayaquil të Ekuadorit ku policia zbuloi drogën në fundin e dyfishtë të një kontenieri në Port. Sipas policisë zbulimi i 145 kilogramëve kokainë ndodhi në fushën e Bananapuerto-s gjatë një kontrolli rutinë. Këtu hetuesit gjetën drogën në 125 pako në një kontenier të dyshimtë, i cili kishte destinacion Shqipërinë. Edhe në këtë rast përfaqësuesit e kompanisë deklaruan se po transportonin kuti me banane.

 

21 Maj 2014

 

Një vit më pas në maj Policia kombëtare e Ekuadorit zhvilloi po ne Guajakil nje operacion me emrin e koduar “Arcano” në të cilin u bllokuan 89 Kile kokaine, me destinacion qytetin e Durrësit. Agjentët e Prokurorisë dhe Antinarkotikeve hetuan shtetasin Homar L, i arrestuar për trafikimin.

Shefi i antidrogës së Guayas, Omar Paredes Báez, tha se agjentët e Njësisë se Inteligjencës zhvilluan kontrolle në kontenierë. Ata gjetën një fund të dyfishtë në njërin prej tyre dhe brenda saj, zbuluan te fshehura 80 pako me drogë.

 

9 Nëntor 2014

 

Po në vitin 2014 sërish në portin e Guayaquil, gjatë një inspektimi te njësive antidroge, u ngritën dyshime per një kontenier tjetër destinacioni i të cilit ishte Shqipëria. Në panelet e brendshme të ftohjes se kontenierit u gjetën 29 pako në formë tulle, që përmbanin 33,55 kg kokainë. Oswaldo Daniel një shtetas ekuadorian, u arrestua per kete çështje.

 

25 Nëntor 2015

 

Një vit më pas Ministria e Brendshme dhe Policia Kombëtare Ekuadoriane njoftuan detaje nga një tjetër operacion  antidroge qe u zhvillua ne Guayaquil,me emrin e koduar “Techo”. Agjentët sekuestruan 82 pako me 93 kilogramë kokainë. Edhe në këtë rast sipas njoftimit zyrtar te Ministrisë së Brendshme të Ekuadorit, kontenieri i kompanisë Ceiconsa ishte destinuar për në Shqipëri. Pikërisht për këtë rast dyshohet se kokaina ishte porositur nga kompania e Arbër Cekajt. Materialet e policisë iu dërguar Prokurorisë së Krimeve të Renda, por dosja u mbyll.

 

26 Prill 2016

 

Në prill të vitit 2016 Policia Kombëtare ne Ekuador beri te ditur një hetim të finalizuar nga agjentët e Njësisë së Informacionit të Porteve që rezultoi me konfiskimin e 101.7 kilogramëve kokainë, që synonin të dërgoheshin në Shqipëri. Organizata kriminale e trafikut te narkotikeve e kishte maskuar drogën në çatinë e një kontenieri të ngarkuar me banane.

 

16 Qershor 2016

 

2 muaj më pas u finalizua operacioni  “Acrux”, por kësaj here nuk u sekuestrua kokainë por 350 mijë euro, si dhe 500 dollarë, ndërsa në pranga ranë dy shqiptarë. Autoritetet sqaruan se Njësia e Inteligjencës Kundër Narkotikëve arrestoi shtetasit shqiptare D.Driza dhe G.Hoxha, të cilët tentuan të kalonin ne vend shumat e mëdha pa i deklaruar ato.

 

Rasti u regjistrua në Aeroportin Ndërkombëtar të José Joaquín de Olmedo në Guayaquil, gjatë kontrollit rutinë të kryer në pasagjerët e një fluturimi nga Madridi ne Spanjë. Në valixhet e shqiptarëve, u zbulua se ato kishin fund të dyfishtë ku kishte monedha.

 

Autoritetet thane se po koordinonin me Ambasadën përkatëse dhe Organizatat Ndërkombëtare të Sigurisë për të përcaktuar nëse ata janë pjesë e ndonjë rrjeti te krimit te organizuar dhe nëse janë ne procese gjyqësore të hapura në vende të tjera.

Leave a Reply

Your email address will not be published.