Club Brugge pasi ka mësuar edhe kundërshtarët ne grup ne shortin e UEFA Champions League ka nisur me se miri javën e 6 te kampionatit belg te futbollit ne fushën e Zultes ne Waregem.

 

Takimi i transmetuar ne Tring Sport 1 ka dhuruar gola pa fund dhe emocione deri ne minutat e fundit.

 

Kampionia ne fuqi e Belgjikës ka kaluar qe ne minutën e 3 ne avantazh pas një autogoli te vendasve. Florian Tardieu devijoi ne porte një krosim nga e djathta te Vormer.

 

Por vendasit do ta pësojnë dhe me keq ne pjesën e pare kur ne minutën e 26 ne dëm te tyre do te akordohet një penallti dhe Rezai blerja me e re e Bryzhit dyfishon shifrat.

 

Ne minutën e 37 është radha e Denis qe ndonëse shtatshkurtër te kërcejë me shume nga te gjithë dhe ti çojë skuadrat ne shifrat 0-3 ne dhomat e zhveshjes.

 

Brugge nuk ndalet as ne pjesën e dyte dhe Groneveld me një predhe nga jashtë zonës shënon golin e 4 ne minutën e 50.

 

Më pas do te kalonin plot 30 minuta deri sa ndeshja qe deri atëherë u duk e mbyllur te rihapet, te paktën për disa çaste.

 

Ne minutën e 81, 37 vjeçari Bufel do te shënojë golin e pare për vendasit qe duket se marrin zemër dhe shënojnë përsëri një minute me pas por gjyqtari e akullon golin për pozicion jashtë loje.

 

Prova televizive ka vërtetuar se Sylla ishte pas mbrojtjes ne momentin e krosimit. Megjithatë nuk mbyllet me kaq kjo fale vendosmërisë se vendasve për te shënuar, gjë qe e realizojnë me ane te Bongonda ne minutën e 90.

 

Por Bryzhi nuk lejon qe vendasit te ëndërrojnë pasi me te rinisur lojën nga mesi i fushës gjejnë përsëri rrugën e rrjetës me ane te Mats Rits dhe mbyllet 2-5.

 

Club Brugge ka marre kështu kryesimin ne kuotën 16 pike pas 6 ndeshjeve te luajtura me 5 fitore dhe 1 barazim ndërsa Zulte mbetet ne kuotën e 5 pikëve.

Leave a Reply

Your email address will not be published.