Lul Berisha përballë atentatorit të vet tek Krimet e Rënda

I cilësuari si i forti i Durrësit, Lulzim Berisha u përball në gjykatën e Krimeve të Rënda me personin që vite më parë tentoi ta vriste.

Berisha, i shoqëruar edhe nga avokati i tij mbrojtës, Detar Hysi u paraqit në sallën e gjyqit, ku po zhvillohet procesi për Ahmet Ajetin.

Më herët, gjykata vendosi paraqitje të detyruar në seancë. Lulzim Berisha nuk pranoi që të dëshmojë para togave të zeza me pretendimin se vjen si i dëmtuar në këtë proces.

Ahmet Ajeti akuzohet se në vitin 2005 tentoi të vriste Lulzim Berishën. Ai u dënua në mungesë me 20 vjet burg dhe 4 muaj më parë u ekstradua nga Kosova ku kërkoi edhe rihapjen e çështjes.