Specialistët për Hetimin e Krimit Ekonomik e Financiar në Drejtorinë Vendore të Policisë Lezhë nën drejtimin e Prokurorisë pranë Gjykatës së Shkallës së Parë Kurbin kanë finalizuar operacionin policor “LUKSI”, nga ku u vendosën në sekuestro preventive katër automjete luksoze që dyshohet se rrjedhin nga aktivitete kriminale.
Sipas policisë automjete I përpkasin shtetasit I.L., I cili është ekstraduar në Itali për veprat penale “Falsifikim I dokumentave” dhe “Grup I strukturuar kriminal”.
Operacioni u zhvillua në funksion të procedimit penal të vitit 2019, regjistruar për veprën penale “Pastrimi i produkteve të veprës penale apo veprimtarisë kriminale”.
Gjithashtu policia bën me dije se po punohet për gjetjen dhe sekuestrimin edhe të katër automjeteve të tjera luksoze, të regjistruara në emra të familjarëve të shtetasit I.L.
Ndërkohë po vijon punën për dokumentimin e plotë të aktivitetit të paligjshëm të këtij shtetasi, si dhe identifikimin e personave të tjerë të përfshirë.
