Presidenti i Bjellorusisë, Alexander Lukashenko iu ka thënë sot emigrantëve në kufirin me Poloninë se vendi i tij nuk do t’i ndalojë ata të tentojnë të kalojnë në Bashkimin Europian.
“Nëse doni të shkoni në Perëndim, ne nuk do t’ju ndalojmë, nuk do t’ju mbysim, nuk do t’ju rrahim. Është në dorën tuaj. Kaloni matanë. Shkoni”, tha ai.
Nëse kriza e emigrantëve nuk zgjidhet tani, Lukashenko pohoi se do të bëhet akoma edhe më e madhe.
Kreu i shtetit bjellorus pohoi ndër të tjera se ishte BE ajo që provokoi qëllimisht një krizë humanitare që duhej zgjidhur.
