Një video është publikuar në rrjetet sociale të presidentit të Bjellorusisë, Aleksandër Lukashenko, i cili shihet teksa zbret nga helikopteri në Pallatin e Pavarësisë në Minsk, duke mbajtur një automatik në dorë. Ai shfaqet gjithashtu i veshur edhe me një jelek antiplumb.
Së bashku më Lukashenkon, nga helikopteri doli edhe një ushtarak i armatosur.
Mijëra protestues u mblodhën sot në kryeqytetin e Bjellorusisë, në Minsk, në “Sheshin e Pavarësisë”, duke kërkuar dorëhqjen e presidentit Lukashenko. Në një moment, opozita iu afrua edhe rezidencës së kreut të shtetit, por forcat e sigurisë ndërhyn menjëherë.
Kjo është dita e 15-të me radhë që në Bjellorusi po mbahen protesta kundër Lukashenkas. Ndërkohë, Ministria e Mbrojtjes Ministria paralajmëroi protestuesit se forcat ushtarake do të ndërhyjnë nëse ka akte dhunë dhe shkelje të paqes.