Forcat e shpëtimit të marinës indiane kanë shpërtuar një anije tregtare nga piratët në brigjet e Somalisë fundjavën e kaluar.
Analistët thonë se kjo tregon sesi ushtira e Dehlit ka zhvilluar aftësitë e forcave speciale në të njëjtin nivel me disa nga më të mirat në botë.
Marina shpëtoi 17 anëtarë të ekuipazhit të anijes MV ruse gjatë një operacioni kundër piratëve, i cili zgjati gati dy ditë, sipas njoftimit të Marinës Indiane. Nuk raportohet për viktima, ndërsa dhejtëra piratë u arrestuan.
Në operacion mori pjesë një shkatërrues i marinës, një anije patrullimi, një transportues i Forcave Ajrore Indiane C-17 që fluturoi më shumë se 1500 milje për të hedhur komando detare, një dron detar, një dron zbulimi dhe një avion vëzhgimi P-8, thuhet në njoftim.
“Suksesi i operacionit e bën Marinën Indiane një forcë të klasit të lartë për sa i përket trajnimit, komandës dhe kontrollit dhe aftësive të tjera,” tha John Bradford, bashkëpunëtor i Këshillit për Marrëdhëniet e Jashtme për Çështjet Ndërkombëtare.
“Ajo që e bën këtë operacion mbresëlënës është se si rreziku u minimizua duke përdorur një forcë të koordinuar që përfshin përdorimin e një luftanijeje, dronësh, avionësh me krahë fiks dhe rrotullues dhe komando detare.”
Ekspertët kanë frikë se situata e paqëndrueshme e sigurisë në Detin e Kuq për shkak të sulmeve nga rebelët Houthi mund të sigurojë një dritare për piratët somalezë në Bririn e Afrikës, duke paraqitur një kërcënim shumë miliardë dollarësh për ekonominë globale.
Jemeni dhe Somalia janë ndër vendet më të varfra të rajonit, të dyja të shkatërruara nga vitet e luftës civile.
