Roma mundi Peskaren ne sfidën e fundit te javës se 33 te serisë A, duke u larguar përsëri me 4 pike nga Napoli ne sprintin final per nje bilete direkte ne Champions League sezonin e ardhshëm. 1-4 ne Adriatiko me skuadrën e shqiptarit Memushaj qe përshëndetet edhe zyrtarisht nga seria A, 5 ndeshje nga përfundimi i kampionatit italian.
Një përballje qe nuk u vu asnjëherë ne dyshim per miqtë, te cilët përballe nje kundërshtari me probleme te mëdha ne te gjitha sektorët e fushës, mund te kishin shënuar dyfishin e golave nëse do te ishin me te sakte ne finalizimin e aksioneve. Gjithsesi zhbllokimi i shifrave erdhi vetëm ne fundin e pjesës se pare me Strotman qe ne minutën e 44 zhbllokoi shifrat. Nje minute me vone Naingolan dyfishoi rezultatin. Edhe pjesa e dyte foli per skuadrën e trajnerit Spaleti ne dominim total, ndërkohe qe radha i erdhi Salaah per te lënë shenje edhe ai ne këtë ndeshje. Ne minutën e 48 egjiptiani shënoi golin e trete, ndërsa 12 minuta me vone dopieta e tij personale dhe e katërta per skuadrën e tij. Goli i nderit per te zotet e shtëpisë erdhi 7 minuta nga fundi me autor Benali.
Ashtu si gjithë skuadra ne nje performance te dobët, edhe vlonjati i kombëtares Ledian Memushaj u vlerësua me nje note mjaft te ulet nga media italiane. Me nje diference prej 4 pikesh, java e ardhshme behet mjaft decisive ne luftën per Champions me romen qe sfidon Lacion ne derbi, ndërsa Napoli mysafir ne Milano ne përballjen kundër Inter.
Lufta, champions, Fiton, Roma
