Ministrja e Punève të Jashtme, Olta Xhaçka ka deklaruar se 11 shqiptarë në Ukrainë janë pjesë e planit të evakuimit.
Sipas Xhaçkës, ata janë gjithë mirë dhe janë në komunikim të vazhdueshëm me ta.
“ Ka një komunitet të vogël shqiptarësh në Ukrainë që kanë krijuar familje e janë martuar atje. Ka 11 shqiptarë të sekonduar në organizatën e OSBE që janë pjesë e planit të evakuimit. Ata janë gjithë mirë ne jemi në komunikim me ta, do kthehen në Shqipëri.
Me pjesën e diasporës kemi qenë në kontakt të vogël me ta, 5 ose 6 vetë që kanë kërkuar asistencë për të lëvizur. Ambasadat tona në varshavë e rumani janë të gatshëm për ti pritur”, tha ajo.
