Gjysma e popullsisë së Gazës është e uritur dhe banorët shpesh kalojnë ditë të tëra pa u ushqyer. Lajmi bëhet i ditur nga agjencia e Kombeve të Bashkuara duke ngritur kështu alarmin për situatën çnjerëzore në Rripin e Gazës. Popullsia civile nuk mundet të siguroje ushqim teksa ndodhet nën bombardimet e Izraelit ndaj enklavës me më shumë se 2 milionë njerëz.
“Sasia e ndihmës që kalon në Gaza nuk plotëson një pjesë të nevojave,” deklaroi Programi Botëror i Ushqimit.
Vetëm 10% e ushqimit të kërkuar për Gazën ka hyrë në rrip gjatë 70 ditëve të fundit, sipas autoriteteve ndërkombëtare.
Dy javë më parë, u raportua se 97% e familjeve palestineze në veri të Gazës dhe 83% në jug shprehën pamjaftueshmërinë e ushqimit, duke theksuar se ndihen të uritur.
Rruga e civilëve drejt vendkalimit Rafah është tejet e vështirë, teksa dërgimi i ndihmave humanitare është në ‘krizë’ për shkak të rikthimit të përgjakshëm të sulmeve izraelite pas përfundimit të armëpushimit të vetëm që nga 7 tetori./vizionplus.tv/
