Lajmet për ndërhyrjen e hakerave rus nga në një vend në tjetrin janë kthyer tashmë në normalitet.

 

Disa sulme kanë qenë tepër seriozë, si ndërhyrja 4në zgjedhjet presidenciale amerikane të vitit 2016. Tashmë Franca dhe Gjermania kanë shprehur shqetësimin se ato mund të jenë shënjestrat e radhës.

 

Incidente të tjera serioze mund të klasifikohet edhe sulmi në sistemin energjetik në pjesën perëndimore të Ukrainës.

 

Në këto kontekst, është e udhës që të zbulojmë gjenezën e strategjisë së luftës kibernetike të Rusisë.

 

Sulmi i parë serioz i hakerave rus ka ndodhur në Estoni në vitin 2007.  Gjatë një debatit politik mbi trashëgiminë ruse në ish vendet e Bashkimit Sovjetik, agjencitë qeveritare dhe bizneset e mëdha ishin në shënjestër të operacionit DDoS, ku për pasojë u rrëzuan dhjetëra portale.

 

Sikurse u kuptua më vonë, sulmi kibernetikë ndaj Estonisë ishte vetëm fillimi i një luftë të re kompjuterike. Një sulm edhe më spektakolar ndodhi gjatë luftës Ruso-Georgjane në gusht të vitit 2008.

 

Më 7 Gusht 2008, ndërsa ushtria ruse po avanconte drejt kufirit Gjeorgjan, një sulm masiv kibernetik me IP ruse goditi të gjithë rrjetin kompjuterik të qeverisë dhe portalet mediatike.

 

Sipas raportit ndërkombëtar fakt-mbledhës mbi konfliktin në Gjeorgji, të njëjtën ditë të gjitha serverët dhe trafiku në internet kontrollohej nga IP që ndodheshin jashtë këtij vendi.

 

Ofensiva kibernetike vijoi përgjatë gjithë luftës, deri në arritjen e marrëveshjes për armëpushim më 12 gusht.

 

Qëllimi i këtij sulmi masiv ishte mbështetja e operacionit ushtarak rus, paralizimin e mjeteve të komunikimit të shtetit gjeorgjian, shoqërisë, por dhe informimin mediatik brenda dhe jashtë zonës së konfliktit.

 

Niveli tjetër

 

Sulmi kibernetik rus në gusht të vitit 2008, shtroi terrenin për ofensiva të reja online, tashmë që aksesi në ueb është në nivele historike.

 

Aktualisht ne presim goditje të tjera të hakerave rus, kundrejt çdo shteti. Rasti i Ukrainës e konfirmoi një gjë të tillë.

 

Më 29 dhjetor 2016, Presidenti ukrainas Petro Poroshenko deklaroi se vetëm gjatë muajve nëntor-dhjetor 2016, institucionet shtetërore në Ukrainë u sulmuan 6500 herë. Shënjestra kryesore ishte ministria e mbrojtjes, financave, thesari i shtetit dhe sistemi energjetik i Kievit.

 

Sipas presidentit ukrainas, sulmet u kryen nga Shërbimet Ruse të Sigurisë, të cilët drejtuan edhe operacionet ndaj Gjeorgjisë në vitin 2008. Nuk kishte asnjë dyshim se sulmi në Ukrainë ishte vetëm “testi” i aftësive të hakerave për të kryer një goditje edhe më të madhe, në një vend edhe më zhvilluar nga pikëpamja teknologjike.

 

Agresioni politik

 

Njësitë e hakerave rus nuk kanë vetëm rol mbështetës gjatë sulmeve ushtarake të Moskës zyrtare. Ata janë bërë gjithnjë e më shumë pjesë integrale e luftës informative mes Rusisë dhe Perëndimit.

 

Zgjedhjet e fundit presidenciale në SHBA nuk duket të jenë një rast i izoluar, pasi ka të dhëna se Franca dhe Gjermania, dy shtete që do të organizojnë zgjedhje në 2017-ën do të jenë edhe ata shënjestër e Rusisë.

 

Jean-Yve Le Drain, Ministri i mbrojtjes dhe Guillaume Poupard, kreu i Agjencisë së Sigurisë së Rrjetit Informativ (ANSSI) kanë ngritur shqetësimet e tyre për rrezikun potencial të ndërhyrjes Ruse në zgjedhje. Të njëjtin alarm ka ngritur dhe Agjencia Franceze e Inteligjencies.

 

Më herët partia e kandidatit për president në Francë, Emmanuel Macron deklaroi publikisht se stafi i tij i fushatës zgjedhore është sulmuar nga piratët e kompjuterëve, por jo vetëm. Ai ka evidentuar disa raste edhe të fenomenin të fundit, të njohur si “lajme të rreme” (fake news).

 

Krahas zyrtarëve në Francë, edhe Inteligjencia Gjermane ka shprehur shqetësimin se ka të dhëna që hakerat rus po përgatiten të ndërhyjnë për të manipuluar zgjedhjet parlamentare. Një qëndrim të ngjashëm ka mbajtur edhe vetë kancelarja gjermane, Angela Merkel.

 

Moska ka marrë të gjitha masat e mundshme për të arritur objektivat e saj gjeostrategjike. Dhe, aktualisht, prioritet ka informacioni.

 

I testuar në Estoni, Gjeorgji dhe veçanërisht në SHBA, tashmë i gjithë arsenali kibernetik është drejtuar në zemër të Europës.

 

Përktheu nga EU Observer: Elvin Luku

Leave a Reply

Your email address will not be published. Required fields are marked *