Efektet e luftës Rusi-Ukrainë ishin edhe në fokusin e takimit që kreu i Bankës së Shqipërisë, Genti Sejko, pati me përfaqësuesen e Fondit Monetarë Ndërkombëtarë Yan Sun.
Për guvernatorin e bankës qendrore, efektet e konfliktit në lindje do të jenë prezente në tregun tonë me çmime të larta për produktet e importit, si dhe për lëndët e para.
Në këto kushte, inflacioni do të vijojë të jetë i lartë, ndërsa presioni mbetet në rritje edhe për kursin e këmbimit.
Ndonëse ekspozimi ekonomisë tonë ndaj dy vendeve në luftë është i ulët, përfaqësuesja e FMN tha se situata e konfliktit është komplekse. Nëse kjo krizë mbetet në dimensionet aktuale, ndikimi në ekonomi mund të jetë i përballueshëm.
Sejko dhe FMN nënvizuan se sanksionet e vendosura ndaj Rusisë, rrisin më tej pasiguritë në tregje, të cilat janë karakterizua ditët e fundit nga ndryshime të shpeshta dhe në rritje.
Sejko tha se banka po monitoron situatën dhe presionin e rreziqeve, për të riparë politikën monetare, drejt një normalizimi.
