Zëvendëskryetari i LSI, Luan Rama deklaroi se imazhin e vendit nuk e cënojnë protestat e opozitës por qeveria.
Në një deklaratë për shtyp, Luan Rama duke u ndalur tek artikulli i gazetës gjermane “Bild”, ku Shqipëria pasqyrohej si një vend kaotik, akuzoi kryeministrin se po bashkëpunon me krimin.
Ai tha se opozita dhe qytetarët janë në protestë me qëllim largimin e kësaj të keqeje nga qeverisja.
“Nuk janë protestat e qytetarëve nuk janë protestat e opozitës që e cënojnë imazhin e një vendi. Imazhin e një vendi e përbalt qeverisja e krimit. Një nga gazetat më të madhe në botë dhe e më shitura në Europë “Bild “ e cilëson Shqipërinë si një vend kaotik në duar të bandave. Qytetarët e vendit dhe opozita është në protest për ta larguar të keqen nga qeverisja e vendit.”
