Sekretari i Përgjithshëm i LSI, Endrit Braimllari ka akuzuar raportuesin e Shqipërisë në PE, Knut Fleckenstein se është bërë bashkëpunëtor i qeverisë.
Në një postim në “Facebook”, Braimllari duke u ndalur tek deklaratat e bëra nga Fleckenstein ndaj drejtueses së LSI, Monika Kryemadhi, shprehet se eurodeputeti gjerman asnjëherë nuk I ka raportuar problematikat e vendit në BE.
Braimllari e akuzon Fleckenstein se është një miratues i qeverisë së krimit të organizuar.
“KNUT miratues i qeverisë së krimit të organizuar. KNUT ky YES MAN i qeverisë Rama. Pse nuk foli dhe raportoi në BE kur Shqipëria mbushej me drogë, kur krimi i organizuar kontrollon çdo qytet të Shqipërisë, kur del hapur në çdo përgjim që Edi Rama përdor kriminelët për të vjedhur votat e shqiptarëve. Kur Edi Rama i bëri thirrje policisë së shtetit të hiqte kapelet dhe të bënte fushatë per Rilindjen duke shkelur rëndë ligjin e policisë së shtetit dhe Kushtetutën e vendit. Kur Edi Rama vjedh hapur te Unaza e Re në kurriz të qytetarëve të këtij vendi. Kur shkel Kushtetutën e vendit me zgjedhjen e Prokurores së Përgjithshme të Përkohshme, për ligjin klientelist të Teatrit. Për ministrat e tij të zhytur në korrupison dhe në krim. Kjo thjesht të bën bashkëpunëtor me një kryeministër hajdut dhe kriminel ne kurriz te shqiptareve.”
Ndërkohë, krahas Braimllarit pjesë e reagimit është bërë dhe ish-deputetja e LSI, Kejdi Mehmetaj, e cila në një postim në Twitter, I kërkon këtij të fundit që ta lë opozitën të bëjë detyrën e saj.
“I dashur Knut. Shqiperia eshte shtepia ime dhe une pres nga qeveria ime, asgje me pak nga sa prisni ju nga qeveria juaj ne Gjermani. As nuk dua ta imagjinoj cfare mund te ndodhte ne vendin tuaj, nese qytetaret do te vuanin vetem nje perqindje te vogel te asaj qe vuajne shqiptaret. Te lutem na ler te bejme detyren tone. Ju po mendoni per zgjedhjet e Majit, ne po punojme per te ardhmen e Shqiperise”
