Zëvendëskryetari i LSI-së Luan Rama ka pritur këtë të mërkurë në zyrën e LSI delegacionin e Parlamentit Gjerman.
Sipas njoftimit të LSI, nënkryetari I kësaj force theksoi para të deleguarve gjermanë se ardhja e tyre në Shqipëri është një mundësi e mirë për të njohur më nga afër realitetin politik shqiptar.
Luan Rama theksoi se situata politike në vend është problematike dhe se reforma në drejtësi ka dështuar totalisht dhe është në kolaps.
Nnëkryetari I LSI, ngriti shqetësimin para të deleguarve gjermanë se është shkandaloze që Shqipëria është pa Gjykatë Kushtetuese dhe pa Gjykatë të Lartë.
Sakaq, ai theksoi gjithashtu se është skandaloze për vendin që nuk janë krijuar akoma institucionet e reja të drejtësisë.
Por krahas këtyre shqetësimeve, Rama nuk I kurseu as akuzat në drejtim të qeverisë. Ai tha se po bashkëpunon me krimin dhe jo me opozitën.
