LSI akuzon qeverinë dhe kryeministrin Rama se kanë mashtruar shqiptarët duke pohuar se borxhi publik është ulur.
Petrit Vasili në një dalje publike tha se ndonëse pretendohet nga mazhoranca se borxhi publik është 70%, nga ana tjeter një institucion shumë I rëndësishëm si KLSH thotë se borxhi është 72%. Ai shton se vetëm kjo gjë mjafton për të thënë se shqiptarët janë para një katastrofe ekonomike.
Madje kreu i grupit të LSI shton se palë në këtë krim dhe skandal në dëm të shqiptarëve është bërë edhe prokuroria që mbyll syte para kësaj situate.
“Prokuroria shqiptare është në pozicionin e saj më të vështirë dhe më kritik, pasi ajo megjithëse është paralajmëruar publikisht, më shumë se njëherë për këtë çështje ka mbyllur sytë, ka mbyllur veshët dhe po bashkëkonsumon një krim të vërtet shtetëror. Pasi një organ kushtetues raporton për shifra borxhi, të cilat qeveria i fsheh, këtu jemi përpara një krimi ekonomik me përmasa të frikshme, e cila nuk godet një individ të vetëm apo disa individë, por godet gjithë Shqipërinë. Asnjë veprim nuk ka ndodhur nga Prokuroria Shqiptare, ndërkohë që ajo duhet të vihej në alarm, përpara çdo çështje tjetër duhet të shqyrtonte këtë çështje, të nxirrte fajin, fajtorët, përgjegjësit dhe me veprimet e saj të ndihmonte në ndaljen së paku të katastrofës financiare që po projektohet, dhe nuk kemi pra asnjë veprim të tillë.”
Vasili thotë se vendi ndodhet para një piramide financiare të përmasave të frikshme dhe për këtë arsye qëndrimi I LSI është dhe do të përvijojë të jetë radikalisht shumë më i fortë se sa kaq në ditët dhe në javët që vijnë. “
