Ministri i Brendshëm Sandër Lleshaj ka reaguar pas përplasjeve mbrëmjen e kësaj të marte në Qendrën e Votimit në Shkodër.
Përmes një postimi në Twitter, ministri Lleshaj shkruan se kjo është një përpjekje e turpshme e përfaqësuesve të PD-së për të djegur një shkollë në Shkodër.
Gjithashtu në reagimin e tij ministri thekson se asnjë drejtues bashkie nuk mund të mbajë me dhunë dhe me zjarr mandatin që tashmë po mbaron.
“Përpjekje e turpshme e përfaqësuesve të PD për të djegur një shkollë në Shkodër. Ftoj qytetarët e Shkodrës që të distancohen nga ky turp i pamasë dhe të izolojnë bijtë e dhunës. Asnjë drejtues bashkie nuk mund të mbajë me dhunë dhe me zjarr mandatin që tashmë po mbaron. Nuk ka asnjë mundësi që dhunuesit t’i shpëtojnë ligjit. Pushteti mund të mbahet vetëm me votën e qytetarëve.Asnjë drejtues bashkie nuk mund të mbajë me dhunë dhe me zjarr mandatin që tashmë po mbaron. Nuk ka asnjë mundësi që dhunuesit t’i shpëtojnë ligjit. Pushteti mund të mbahet vetëm me votën e qytetarëve.”
