Historia e sulmit me bombe në Liverpool duket se është reduktuar në veprimin e një të vetmuari të paqëndrueshëm mendërisht , me origjinë arabe, por pa lidhje me terrorizmin ndërkombëtar . Al Swealmeen ishte i konvertuar në krishterim duke e quajtur veten Enzo.
Ndërkohë, katër të rinjtë e moshës 20 deri në 29 vjeç, të ndaluar fillimisht si mbështetës të mundshëm, u lanë të lirë pa asnjë akuzë.
Kështu, të paktën tani për tani, zbehet hipoteza e një celule terroriste pas asaj që ndodhi. Al Swealmeen është një refugjat jordanez prej disa kohësh në Mbretërinë e Bashkuar.
Ai ishte përpjekur ta shiste veten si sirian për të marrë azil politik, por autoritetet, duke mos i besuar, e kishin mohuar; aq më tepër që u akuzua edhe se kishte kërcënuar me thikë kalimtarët në rrugë disa kohë më parë, në kuadër të një episodi që i atribuohet çrregullimeve mendore.
Malcolm dhe Elizabeth Hitchott, një ish-ushtar dhe gruaja e tij, të angazhuar në një organizatë bamirëse të krishterë, e kishin marrë nën kujdestari për një kohë të caktuar.
Sipas detajeve që dolën gradualisht, lind dyshimi se Emadi në fakt mund të ketë dashur të hakmerret për mosdhënien e azilit : një objektiv për të cilin ai ishte konvertuar – të paktën zyrtarisht – nga Islami në besimin anglikan, në vitin 2017.
Për më tepër, refugjati jordanez, i cili fëmijërinë e kaloi në Irak, atdheun e nënës së tij, ishte përpjekur të hiqte nga vetja gjurmët e origjinës së tij nga Lindja e Mesme deri në atë pikë sa të thirrej në rrjetet sociale apo përreth Liverpool-it me një emër italian Enzo Almeni , i zgjedhur për nder të Enzo Ferrarit, një pasion I madh për makinat sportive.
Nga sulmi me bombë në një makinë që po qëndronte në hyrje të një spitali në Liverpool, mbeti i vdekur vete Al Swealmeen, ndersa shoferi i taksise ku u be shperthimi është në gjëndje të rëndë.
Davide Perry eshte konsideruar hero nga kryebashkiakja e Liverpool pasi ai mbylli dyert e taksise ne menyre qe shperthimi te behej brenda makines duke mos e lejuar autorin qe shperthimin ta bente jashte cka mund te shkaktonte nje tragjedi.
