Zbardhet lista e plotë me kandidatët për deputetë të partisë Bindja Demokratike.
Kryetari i kësaj force politike, Astrit Patozi i ka postuar në “Facebook” dhe thekson mes të tjerash se BD do të garojë me një listë të hapur në 25 prill.
Emri i tij është i pari në listën e Qarkut Tiranë.
“Kandidatët e BD-së janë përzgjedhur individë që plotësojnë njëkohësisht tre kushte kryesore: ata nuk janë akuzuar kurrë për përfshirje në afera korruptive, nuk janë subjekte të ligjit të dekriminalizimit dhe të palidhur me të shkuarën komuniste. Bindja Demokratike do të garojë më një listë vërtetë të hapur në zgjedhje. Midis kandidatëve të listës shumëemërore , në çdo rast mandatin do ta marrë ai që ka më shumë vota preferenciale.”
