Trajneri i kombëtares shqiptare te futbollit Kristian Panuci ka publikuar listën e lojtareve per ndeshjen miqësore kundër Norvegjisë qe do te zhvillohet ne 26 mars ne “Elbasan Arena”. Numri nje i pankines shqiptare ka surprizuar duke afruar ne skuadër plot 4 lojtare te rinj qe do te veshin per here te pare fanellën e kombëtares.
Ata janë mbrojtësi i Inter Zapresic Herdi Prenga, mesfushori i Grasshoppers Bujar Lika, Kristal Abazaj i luftëtarit dhe Enis Gavazaj i Skënderbeut. Panuci ka grumbulluar përsëri Ylber Ramadanin, Sabian Lilaj, Kamer Qaka dhe Liridon Latifi, ndërsa nuk ka ftuar kapitenin e kombëtares Ansi Agolli.
