Një deputet i Lëvizjes Vetëvendosje në Kosovë ka konfirmuar për herë të parë se është arritur një marrëveshje me Nismën Socialdemokrate të Fatmir Limajt, i cili më parë ka qenë në koalicion me Ramush Haradinajn.
“Kemi bisedime dhe bisedimet janë shumë pozitive. S’kemi marrëveshje të shkruar, por shumë shpejt do të dalim para opinionit”, është shprehur Haxhi Avdyli, duke theksuar se Vetëvendosje i ka bërë tashmë 61 mandatet.
Nisma, e cila garoi në koalicion me Aleancën për Ardhmërinë e Kosovës në zgjedhjet e 9 shkurtit, nuk ka bërë ende komente rreth marrëveshjes së mundshme me partinë e Albin Kurtit.
Kosova ka ngecur në përpjekjet për formimin e institucioneve të reja, pavarësisht se kanë kaluar më shumë se dy muaj nga zgjedhjet parlamentare të 9 shkurtit.
