Zëvendëskryeministri i Kosovës, Fatmir Limaj nga Brukseli është shprehur se tashmë Kosova do të do të prezantohet si shtet në dialog, e jo më mbi baza individuale.
Shprehet këmbëngulës se s’do të ketë marrëveshje me Serbinë pa zgjidhjen e çështjes së të pagjeturve.
Pas takimit që delegacioni shtetëror për dialogun me Serbinë pati me përfaqësuesen e lartë të BE-së, Federica Mogherini, Limaj thotë se do të unifikohen në Prishtinë, për të folur me një zë në Buksel.
Sipas tij, Kosova në Bruksel, në bisedimet me Serbinë, prezantohet si shtet dhe nuk ka më mbi baza individuale e personale.
Ndër të tjera në fjalën e tij ai thekson se e arritura e këtij takimi është se i është bërë e qartë BE-së se mos njohja nga Serbia është çelësi i të gjitha problemeve që po paraqiten në mes dy vendeve.Njëherësh, ai ka folur edhe për rolin e SHBA-së në procesin e dialogut dhe mundësinë ekzistuese që kjo e fundit të kyçet direkt në këtë proces.
Për zërat se një marrëveshje përfundimtare mund të ndodhë shumë shpejt, në tremujorin e parë të këtij viti, Limaj nuk ka përmenduar asnjë afat pasi sipas tij e rëndësishme është që të arrihet një marrëveshje e mirë.
Gjithashtu Limaj deklaron se nga takimi i sotëm me përfaqësuesit e BE-së, u vu në pah se ka një pajtim të përbashkët që ka një atmosferë dhe ka kushte që të punohet intensivisht për të ardhur tek marrëveshja përfundimtare me Serbinë, obliguese për të dyja palët.
