Kreu i Nismës Socialdemokrate Fatmir Limaj, ka shpallur “divorcin” nga koalicioni me të cilin shkoi në zgjedhje së bashku me kreun për ardhmërinë e Kosovës Ramush Haradinaj.
Në një emision televiziv në Prishtinë, Limaj tha se partia e tij Nisma Socialdemokrate dhe Aleanca për ardhmërinë e Kosovës janë dy forca të ndryshme politike duke nënkuptuar që deputetët e secilës parti mund të jenë edhe në grupe të ndryshme parlamentare.
“Ne jemi dy parti politike që kemi ndërtuar një koalicion dhe unë kap pasur partneritete me kr e aleancës dhe në baza partiake pse jo. Kemi shumë gjëra të përbashkëta por jemi parti të veçanta”, tha Fatmir Limaj.
Limaj refuzoi të fliste për vija të kuqe me partitë e tjera përfshirë edhe lëvizjen vetëvendosje të cilës, tre mandatet që nisma social demokrate ka do t i shërbenin si vendimtare për formimin e qeverisë së re.
“Kusht t’më fton në tavolinë, unë shkoj ulna për tema nacionale. Çka po të vyn një qeveri jo funksionale? Kurrë nuk hyj në një qeveri jofunksionale. As me opozitën nuk e përjashtoj që ulem”, deklaroi Limaj.
Mesazhi i qytetarëve në këto zgjedhje sipas Limajt është që t’iu tregojnë partive politike që kanë nevojë për njëra tjetrën dhe se ai do të jetë në shërbim të vendit për çdo premtim që ka bërë në fushatë.
Pas deklaratave të Limajt, reagoi edhe kreu i aleancës për ardhmërinë e Kosovës, Ramush Haradinaj.
“E keqja ka emër-Albin Kurti”, tha Haradinaj përmes një postimi në rrjetet sociale. /vizionplus.tv
