Në takimin e parë sensibilizues për Bashkëqeverisjen, mbajtur në Elbasan, kryeministri Edi Rama u shpreh se këtë cikël takimesh do ta shtrijë në të gjitha qarqet e vendit për të informuar qytetarët në lidhje me shërbimet që ofron ky ligj.
Kreu i qeverisë bëri me dije se ligji aktualisht është kthyer në kuvend nga Presidenti i Republikës, por do të votohet sërish nga legjislativi, pa asnjë ndryshim, ndërsa shtoi se hipoteka dhe legalizimi do të bëhet online.
Brenda vitit 2022, kreu i qeverisë tha se nuk do të ketë më asnjë sportel, pasi të gjitha shërbimet do të jepen online
“Edhe hipoteka dhe legalizimi të vijë në kompjuter pa pasur nevojë për letër fizike! S’ke nevojë për mik, e shok, për askënd. Ke afatin e marrjes së përgjigjes, nëse nuk të erdhi përgjigja në afat, ti ke në dorë me ligj që e vë në lëvizje ligjërisht administratën për pronën tënde, duke përdorur bashkëqeverisjen. Kjo platformë bën të mundur qenë se nuk reagon adminitrata, lë gjumë dhe nëse kjo i mbetej qytetarit nëse ankohej ose jo, tani vihet menjëherë mekanizmi i kontrollit. Kjo është një çështje që në ligjin e ri përcaktohet i përgjegjësisë së administatër dhe ka sanksione për personat përgjegjës.”
