Deputeti i Partisë Socialiste, Ilir Beqaj ka komentuar miratimin në Kuvend të ndryshimeve të ligjit për pensionin në kooperativë dhe falja e detyrimeve ndaj institutit të sigurimeve shoqërore të ish-minatorëve.

 

Në një lidhje direkte me edicionin qendror të lajmeve në “Vizion Plus”, Beqaj tha se shumë njerëz që punonin në koopertivat bujqësore endeshin nëpër gjykata për të përfituar pension pleqërie, pasi në vitet ’90 një pjesë e dokumentacioneve ishin shkatërruar.

 

“Ne kemi miratuar edhe disa ndryshime në kodin penal që përmbyllin marrëveshjen e 5 qershorit. Me çfarë ndodhi në Presidence dhe Kuvend, kemi përmbyllje të detyrimeve politike të këtij viti. Kemi ende njerëz që kur plotësojnë moshën për të dalë në pension dhe iu duhen vitet e nevojshme për pension të plotë pleqërie, kanë vite pune që kanë punuar në koopertivat bujqësore. Në vitet ’90, një pjese e dokumentacioneve të vjetërsisë së punës ishin asgjesuar, plaçkitur ose djegur. Duke bërë që njerëzit të sorollateshin në gjykatë. Shpenzonin 400 mijë lekë të vjetra secili për çdo gjyq.”

 

Nga ana tjetër, sot Parlamenti vendosi t’u falë ish-minatorëve detyrimet ndaj Institutit të Sigurimeve Shoqërore, të cilët kanë marrë pagesë nga shteti në një kohë që kanë qenë të punësuar .

 

Deputeti tha se me miratimin e ligjit të ri, ish-minatorët nuk kanë detyrime për të shlyer.

 

“Ky detyrim ka lindur nga zbatimi në praktikë i një ligji të vititi 2000, për një trajtim financiar të punonjësve të nëntokës. Ky ligj u përpoq t’u jepte një mbështetje financiare, në kushtet kur në vitet ‘90 filloi edhe u shua gradualisht në vitin 2000. Në atë kohë, ky ligj pati dy të meta: nuk sanksionoi që ky përfitim financiar mujor të mund të indeksohej vit pas viti sipas shtrenjtimit të kostove të diapezës.  Kjo periudhë që merrnin këtë përfitim njerëzit, nuk ishte periudhë vjetërsie për efekt pensioni.  Në 2002, 2003, 2004, ishin para faktit që merrnin 50 mijë lekë të vjetra pune dhe nuk fitonin vjetërsi në punë. Disa prej tyre filluan të punonin. Më vonë, kur u krijuan bazat e të dhënave, këta njerëz rezultoi se kishin marrë përfitim, por edhe kishin punuar dhe atë shumë të padrejtë duhet ta kthenin.  Në 2014, ne kemi miratuar një ligj për pensionet e parakohshme të minatorëve. Nga viti 2014 e deri tani, këtë çështje e kemi zgjidhur. Ata kanë ende një debit për rreth 650 mijë dollarësh. Por, me miratimin e këtij ligji, këtë barrë nuk duhet ta paguajnë më, do vazhdojnë të marrin atë pension që kanë marrë deri më sot.”

Leave a Reply

Your email address will not be published.