Kryetari i Bashkisë Lezhë, Pjerin Ndreu ka penguar policinë lokale që të zbatojë ligjin për mbylljen e lokaleve në Shëngjin pas orës policore.
Pronari i një lokali dhe kamarieri janë përplasur si fillim me policët, duke refuzuar të kyçin ambientin. Më pas ka ndërhyrë edhe Pjerin Ndreu, që iu drejtua efektivëve me fjalët: “Ligjet i bëj unë”, duke iu kërkuar kështu të tërhiqen.
Për këtë arsye, efektivët e penguar i janë drejtuar Prokurorisë së Lezhës me një kallëzim penal për Ndreun.
Për këtë ngjarje reagoi edhe kryebashkiaku në rrjetet sociale. Ai nuk kurseu sulmet dhe ofendimet për efektivët. Efektivët që e kanë kallëzuar ai i quajti barkderra që kapërcejnë kompetencat, që sipas tij, kanë ndërhyrë në një darkë zyrtare.
