Lezhë, fermerët hedhin prodhimet

Ky është fundi i mundit të një fermeri në Zadrimë të Lezhës.

Të tjerë që sfidojnë temperaturat e larta dhe kushtet thonë se shitja e shalqirit këtë vit ka qenë shumë më e ulët se herë të tjera. Ata thonë se shkak për mosshitjen është prodhimi i lartë në Lushnje dhe importi nga jashtë.

Shumë prej fermerëve të Zadrimës të zhgënjyer nga tregu, thonë se vitin tjetër nuk do të mbjellin më pasi kostoja është shumë më e lartë se fitimi, teksa tregojnë se nuk kanë marrë asnjë mbështetje apo subvencionim nga shteti.

Fermerët kërkojnë ngritjen e një tregu të posaçëm për shitjen e prodhimeve të tyre, në të kundërt ata do të vijojnë të vuajnë pasojat e një tregtimi të çrregullt dhe pa standarde.