Policia e Kavajës ka arrestuar tre të rinjë të afërm me njeri-tjetrin pasi gjatë një kontrolli në qytet, njeri prej tyre u kap me armë zjarri.
Në pranga ra shtetasi Jurgen Merkja 21 vjec, vëllai I tij Emiljano Merkja 32 vjec dhe kusheriri I tij Besim Merkja 23 vjec.
Arrestimi i tyre u bë pasi në shëtitoren “Josif Budo “, gjatë kontrollit të ushtruar në mjetin tip “BMV” me drejtues shtetasin Jurgen Merkja, dhe pasagjar shtetasit, Emiljano Merkja, dhe Besim Merkja, (vëllai dhe djali i xhaxhait të J. M.), u gjet dhe bllokua një armë zjarri e cila posedohej nga shtetasi Jurgen Merkja, ndërkohë që dy shtetasit e tjerë (Emiljano Merkja, dhe Besim Merkja,) janë munduar para shërbimeve të Policisë të merrnin përsipër posedimin e armës.
Janë sekuestruar në cilësinë e provës materiale :
– armë zjarri tip “Pistoletë” me një krehër me 10 fishekë
– 4 aparate celular
– mjeti tip “BMV”
