Një ditë para protestës së opozitës të mbajtur të premten, Presidenti Ilir Meta i ka dërguar një letër kreut te OSBE-së, Miroslav Lajçak.
Në letrën drejtuar Lajçak, Presidenti Meta thekson se ka një përshkallëzim të situatës politke që mund të çojë vendin drejt një konflikti civil.
Duke i shpjeguar kreut të OSBE-së verdiktin se pse i shtyu zgjedhjet, Meta nuk I kursen sulmet në drejtim të kryeministrit Rama dhe kabinetit qeverisës.
Situata politike në disa bashki të opozitës në lidhje me zbatimin e dekretit e tij, ka bërë që Meta të akuzojë qeverinë se po përdor Policinë e Shtetit për të kërcënuar publikisht të gjithë qytetarët që I janë bashkuar opozitës.
Ai akuzon gjithashtu qeverinë se ka bllokuar qëllimisht Këshillin e Emërimeve në Drejtësi dhe se po çon vendin drejt një grushti institucional.
Meta më tej është ndalur edhe audopërgjimet e gazetës gjermane “BILD”, ku ngre shqetësim se prokuroria nuk po zhvillon hetime ndaj kësaj çështjeje.
