Letra e Spiropalit, Kikia: PS ka kapacitetin të qeverisë me apo pa Edi Ramën
Analisti Mentor Kikia ka komentuar letrën e deputetes socialiste Elisa Spiropali drejtuar kryeministrit Edi Rama.
Kikia deklaroi në edicionin maratonë të lajmeve në Vizion Plus, të moderuar nga Roland Zili, se PS-ja ka fuqinë dhe kapacitetet për të udhëhequr dhe qeverisur vendin si me Edi Ramën, ashtu edhe pa të.
Pjesë nga biseda:
Zili: Deri tani kemi parë qëndrime pro, ministrat kanë shprehur shqetësim për atë që po ndodh. I vetmi zë ndryshe është ai i zonjës Spiropali?
Kikia: Spiropali i kërkoi atij të marrë përgjegjësitë si udhëheqës dhe futjen e vendit në një proces qeverisjeje tranzitore. Do të ishte një zgjidhje ideale. Unë mendoj se PS-ja, me apo pa Ramën, i ka kapacitetet e veta për të qeverisur. Nuk është çudi që, në një proces zgjedhjesh të parakohshme, socialistët të mbanin pushtetin me një qeveri tjetër, por duke çmontuar disa mekanizma, e mbi të gjitha atë të një dinamikë të madhe ekonomike që ka prodhuar korrupsioni. Njerëzit ndihen të poshtëruar nga arroganca e parasë që ka prodhuar korrupsioni.
