Lester Siti përfiton me se miri nga barazimi i dy ndjekësve me te afërt ne derbin e Londrës dhe shkëputet serish ne 5 pike ne krye te kampionatit anglez. Pas barazimit dy me dy te Totenhemit me Arsenalin dhelprat e Ranierit luajtën transferten e vështire te Uatford, por ja dolën me sukses. Pas nje pjese te pare me disa raste shënimi do te duhej qe te vinte minuta e 55 kur Mahrez te mos falte. Topi i kthyer nga mbrojtja ka përfunduar ne këmbët e tij ne kufijtë e zonës se rreptësisë dhe me te majtën ai e ka dërguar ne rrjete. Lester shkon ne kuotën e 60 pikëve, ndërsa Totenhemi ka 55 dhe Arsenali 52.
Napoli mund Chievon, ndonëse është gjendur qe ne minute e pare ne disavantazh pas nje mosvemendjeje te mbrojtjes, kur Rigoni godet fort ne ecje e sipër dhe kalon veronezet ne avantazh. Por ne minute e 6 barazon Higuain dhe këtu ndryshon gjithçka. Ne fund te pjesës se pare Chirichis me koke kalon skuadrën e Sarrit ne avantazh dhe ne minute e 70 Kallehon vulos rezultatin ne 3-1. Napoli barazohet me pike me Juventusin 61, por bardhezinjte duhet te luajnë ne fushën e Atalantes ne Bergamo.
Klasikja gjermane e futbollit mbyllet ne barazim me rrjeta te paprekura dhe Bajerni i Munihut ruan avantazhin komod prej 5 pikesh nga Dortmundi i vendit te dyte. Ne kryendeshjen e javës se 25 te bundesliges, Bajerni harroi ate humbje te papritur ne mesjave ne shtëpi ndaj Maincit qe i beri te gjithë te mendojnë se kampionati u rihap. Edhe Borusia vendase ka rezistuar, duke rrezikuar vetëm ne pjesën e pare, ndërkohe qe ne te dytën eshte mjaftuar vetëm me detyra mbrojtëse. Megjithatë, here portieri Byrki dhe here traversa nuk i kane lëne bavarezet te shënojnë dhe skuadrat kane ndare nga nje pike. Bajern ka 63 pike Dortmundi 58.
