Argjentina dhe Brazili morën fitore spektakolare në duelet e xhiros së 10 të ndeshjeve kualifikuese të botërorit të vitit 2026 për zonën e Amerikës së jugut.
Kthim tek suksesi për kampionet e botës në fuqi , bardhekaltrit e udhëhequr nga i jashtëzakonshmi Leo Messi.
Klasi i pafund i pleshtit ndihmoi të zotët e shtëpisë të mundnin me goleadë 6 me 0 Bolivinë, çka i lejon të vijojnë kryesimin e grupit me 22 pikë.
3 gola dhe dy asist për Leo Messin, për të cilin është shumë e vështirë të gjesh epitete për ti veshur pas shout të radhës në moshën 37 vjeçare.
Njëri prej më të mirëve të historisë hapi serinë e golave në minutën e 19, pastaj dy asist të tij në fundit e kësaj pjesë i dhanë mundësi Lautaro Martinezit dhe Julian Alvarezit që të shënonin dy gola të tjerë.
Pas mesit të pjesës së dytë Argjentina shënoi sërish, këtë herë me Almadën, përpara se të pranishmit në Monumental të ngriheshin në këmbë për të nderuar kapitenin e tyre.
Leo Messi i cili brenda dy minutash shënoi dy gola të tjerë për rezultatin final 6 me 0. Tani Argjentina ka 3 pikë më shumë se Kolumbia e cila është shkëputur në vendin e dytë mbi Uruguain.
El Kafeteros më herët kishin mundur 4 me 0 Kilin në fushën e tyre falë realizimeve të Sancez, Diaz, Duran dhe Sinisterës.
Nga ana tjetër Uruguai u ndal sërish, këtë herë në shtëpi në një barazim pa gola 0 me 0 me Ekuadorin dhe e sheh veten të barazuar me pikë edhe nga Brazilin në kuotën 16.
Selesao gjeti veten në shtëpi duke fituar e duke u dëfryer më së shumti falë suksesit 4 me 0 kundër Perusë. Sulmuesi i Barcelonës Rafinja ishte protagonist, pasi shënoi dy herë nga pika e bardhë e penalltisë për brazilianët.
Pastaj doli në skenë Luis Henrike, talenti i Atleriko Mineiros. Fillimisht Aid Ha një asist për gholin e shënuar nga Perreira, dhe vetëm 3 minuta më vonë shënoi golin e katërt të Brazilit.
Fitore e çmuar edhe për Paraguain 2 me 1 kundër Venezuelës, sukses që e lejon të ngjitet në vendin e gjashtë, në zonën e të cila të çon në botëror./vizionplus.tv
