Era e re pas shkarkimit te teknikut Ranieri, fillon ne mënyrën me te mire per Leicester Sity. Ne javën e 26 te Premier League Angleze ne te ashtuquajturën Mondey Night, kampionet ne fuqi te Anglisë munden me rezultatin 3-1 Liverpulin. Ne King Power Stadium tifozët e dhelprave duket se nuk kishin harruar punën e jashtëzakonshme te teknikut italian, teksa u shfaqen te gjithë me maskotat e fytyrës se Ranierit ne përkrahje te tij. Takimi filloi me mjaft vrull per vendasit, te cilët pas disave rasteve arritën te gjenin rrjetën me Jamy Vardy ne minutën e 28. Edhe pse te kuqte u munduan te kundërpërgjigjen, vendasit arritën te konkretizonin nje tjetër rast kur Drinkuoter ne minutën e 39 dyfishoi rezultatin. Edhe pjesa e dyte nisi ne mënyrën me te mire per te ashtuquajturat dhelprat, ndërsa përsëri Jamy Vardy shënoi golin e trete ne nje mbrëmje magjike per te zot te shtëpisë. Goli i nderit per skuadrën e Jurgen Klop erdhi 8 minuta me vone me Kutinjo, nje gol qe vlejti me shume per statistike. Për Liverpulin humbja e trete ne 5 ndeshjet e fundit ne kampionat, te kuqte zbresin tashme ne vendin e 5 ne renditje, 4 pike larg Totenhemit te vendit te dyte. Ndërkohe duket se shkarkimi i Ranierit nga pankina ka ndryshuar atmosferën ne kampin e Leicester qe tashme jo vetëm gjeten fitoren e pare pas 5 humbjeve radhazi, por shkëputen me dy pike nga zona e ftohte e rënies nga kategoria.
Fiorentina nuk arriti te mbante avantazhin e dy golave, teksa u barazua 2-2 me Torinon ne sfidën e fundit te javës se 26 te kampionatit italian, nje rezultat qe e ve gjithmonë e me shume ne dyshim te ardhmen e teknikut Polo Souza ne krye te skuadrës nga Firence, Artemio Franki. Vendasit ne fakt dominuan me shume se një ore, nje përballje ku e kishin mbyllur pjesën e pare 2-0 me rrjeta te Saponara e Kalinic. Pjesa e dyte me e mire per miqtë te cilët shfrytëzuan lodhjen e te zotëve te shtëpisë. Heroi per Torinon, Beloti. Fillimisht sulmuesi humbi nje penallti ne minutën e 62 per te ngushtuar diferencën tre minuta me vone. Ne minutën e 85, 23 vjecari shënoi golin e barazimit, duke i dhuruar nje pike skuadrës se tij, por edhe duke u ngjitur ne krye ne renditjen e golashënuesve ne serine A. Për t’u theksuar paraqitja shume e dobët e mbrojtësit te kombëtares Arlind Ajeti i zëvendësuar me fillimin e pjesës se dyte dhe i vlerësuar me notën me te dobët nga media italian si një lojtar qe nuk jep garanci ne prapavijën e Torinos.
