Gjatë prezantimit të trajnerit të ri të Lecces në Salento, drejtori sportiv Pantaleo Corvino ka dhënë sinjale të qarta se klubi është gati të ndjekë një fazë të re ndërtimi, duke mos i penguar disa prej futbollistëve më të rëndësishëm nëse ata vendosin të largohen.
“Kur flas për merkaton, dua të jem i qartë: analizojmë çdo situatë në funksion të cikleve të përfunduara. Mendoj se ky sezon shënoi fundin e një cikli për disa lojtarë që kanë dhënë shumë për këtë klub. Jam duke iu referuar emrave si FalKone, Baskiroto, Ramadani, Krstoviç dhe Galo. Nëse ata shprehin dëshirën për të ndjekur një rrugë të re, nuk do t’i ndalojmë.
Kemi vendosur të respektojmë vullnetin e tyre”-deklaroi Korvino. Njëri nga emrat më të lakuar për një largim të mundshëm është Ylber Ramadani, i cili ka zgjuar interesin e klubit Al-Ain nga Emiratet e Bashkuara Arabe.
Sipas raportimeve, Al-Ain ka kontaktuar drejtpërdrejt me menaxherin e mesfushorit shqiptar, duke i prezantuar një ofertë joshëse: kontratë 3-vjeçare dhe pagë vjetore që kap vlerën e mbi 1 milion eurove për sezon.
Lecce, nga ana tjetër, pritet të kërkojë një shumë pak të lartë për ta lënë të lirë Ramadanin. Dëshira e futbollistit është e qartë, një ofertë e tillë nuk vjen shpesh dhe përfaqëson një hap të rëndësishëm financiar në karrierën e tij.
