Kreu i Federatës shqiptare të Futbollit, Armando Duka la të hapur mundësinë se mund të diskutojë me teknikun Italian Christian Panucci për të zgjidhur kontratën nëse ky i fundit largohet drejt Romës.
I ftuar në Vizion Plus, në studion e emisionit “Kampionët”, Duka edhe pse e cilësoi si një lajm të pavërtetë atë të “Il Messangero” u shpreh optimist se tekniku Panucci nuk do të largohet nga drejtimi kombëtares shqiptare.
Kreu I Federatës theksoi se ai ka një kontratë me kombëtaren shqiptare dhe se dujhet ta respektojë atë.
“Nuk e kam lexuar. Mund të jetë ndonjë “lajm i rremë”, mund të jetë e vërtetë ndonjë telefonatë. Por besoj se nuk ndodh që një trajner profesionist si Panuçi që të bëjë biseda të tjera në një kohë që është trajner i Shqipërisë. Nuk mund të them koment. Mund t’ju them bindje timen që Panuçi dhe të gjithë ata që janë profesionist, të bëjnë negociata për kontrata ndërkohë që janë nën kontratë. Nga mua mund të jetë i pakënaqur, por ka një kontratë që duhet ta respektojë. Megjithatë, nëse ka një propozim për një karrierë shumë të mirë të Panuçit, mund të vijë dhe ne do ta diskutojmë. Por nuk ka ndonjë të vërtetë. Nuk besoj se do të largohet.”
