Pas qëndrimit prej 3 muajsh në Ferma Vip, Andrea ka zgjedhur që të qëndrojë larg intervistave televizive. Ndonëse ka preferuar të mos komentojë asgjë në media, ai ka ndarë me publikun disa foto pranë familjes.
Teksa shihet i lumtur në krahët e bashkëshortes dhe vajzave të tij, Andrea duket se po i shijon këto ditë pushimi.
Menjëherë pas Ferma Vip, Andrea ka udhëtuar jashtë Shqipërisë teksa tani ndodhet në Gjermani.
Në rrjetet e tij sociale ka shpërndarë video me Anduel Kovacin, ku duket se po e ruajnë shoqërinë e ngushtë që krijuan në Ferma Vip edhe pas daljes.
Ndonëse arriti në finale, Andrea nuk mundi të ishte fitues por që me humorin, batutat dhe përkushtimin e tij ndaj punëve në Fermë bëri që të ishte një ndër emrat më të komentuar në Ferma Vip 2.
