Kreu i Agjencisë Shtetërore të Kadastrës, Artan Lame e konsideron rastin e Vlorës si fundin e paligjshmërisë ndërsa paralajmëroi se fenomene si ky qytetarët shqiptarë do të dëgjojnë edhe në qytete të tjera të vendit.
Nga Elbasani, I pyetur nga mediat, Lame tha se në Vlorë kanë rënë priamidat e vjetra të ndërhyrjes së pushtetit dhe për këtë fakt Kadastra e këtij qyteti nuk po gjen paqe.
“Probleme si ky i Vlorës do të dëgjoni në shumë qytete të tjera. Do të dëgjoni në Elbasan, Shkodër, Sarandë, ndoshta dhe në Lezhë. Nuk gjen në Vlorë durim, për një arsye shumë të thjesht kanë rënë piramidat e vjetra të ndërhyrjes së pushtetit dhe nuk ka asnjë që të mbrojë paligjshmëri”
Pas dorëheqjes së ‘bordit’, konkretisht të drejtoreshës së këtij institucioni, Elona Hodaj dhe zv/drejtorit, Krenar Xhemali, Kadastra e Vlorës do funksionojë me drejtues të komanduar.
Hodaj dhe Xhemali dhanë dorëheqjen më 8 tetor dhe shkak është bërë një vendim i Gjykatës së Lartë për një pronë në bregdet në Jalë.
