Këtë të dielë autoritetet italianë raportuan vetëm për 165 viktima. Duhet thënë se Italia nuk ka regjistruar një numër kaq të ulët vdekjesh që prej 9 marsit, ditë në të cilën u vendosën masat kufizuese për udhëtimin në të gjithë territorin kombëtar.
Të shtunën pati 194 pacientë që humbën jetën. Po ashtu, rënie të ndjeshme ka pësuar edhe numri i rasteve të reja. Në 24 orët e fundit janë numëruar 802 të infektuar të rinj, kurrë kaq pak pas 6 marsit.
Mjaft pozitiv është edhe fakti që spitalet dhe dhomat e terapisë intensive po boshatisen pak nga pak. Sot janë 1027 persona në kujdesin intensive, 7 më pak se dje. 13618 persona janë akoma të shtruar në spital me simptoma, 216 më pak se dje.
Ndërkaq, në orët e fundit u shëruan edhe 2.155 persona të tjerë, duke e çuar totalin në 105.186.
