I dërguari i BE-së për dialogun Kosovë-Serbi, Miroslav Lajçak, do të takohet sot pasdite në Beograd Presidentin e Serbisë, Aleksandër Vuçiç.
Zyra për media e Presidentit të Serbisë ka bërë me dije se takimi Vuçiç-Lajçak do të fillojë në ora 18:00.
Vuçiç më herët ka deklaruar se në takimin me Lajçakun, ndër të tjera, do të diskutojë edhe për votimet për heqjen e kryetarëve të komunave në veri të Kosovës.
Lexo edhe :
Related Posts
Lajçak ka vizituar Kosovën javën që shkoi ku ka takuar zëvendëskryeministrin Bislimi me të cilin ka folur për zbatimin e marrëveshjeve të arritura dhe çështjen e dinarit.
Ndërkohë, dje i dërguari i SHBA-së, Gabriel Escobar zhvilloi një takim kokë më kokë me kryeministrin e Kosovës, Albin Kurti.
Pas takimi me të dërguarin e posaçëm amerikan për Ballkanin Perëndimor, Gabriel Escobar, në Prishtinë, kryeministri i Kosovës Albin Kurti bëri një postim në platformën “X”, ku ka dhënë detaje nga biseda që zhvilloi me zyrtarin amerikan.
Kurti bëri me dije se falenderoi Escobarin për mbështetjen SHBA-së. Gjithashtu Kurti theksoi nevojën për t’i kërkuar llogari Serbisë për sulmin në Banjskë.
Gjithashtu pas përfundimit të takimit Escobar zbuloi për mediat temat që diskutoi me Kurtin. Ai tregoi se pati diskutime të mira për çështjen e dinarit.
Ecobar tha se Kurti e ka marrë parasysh shqetësimin amerikan për efektin e ndalimit të dinarit tek serbët lokalë dhe ka premtuar që do t’i marrë parasysh disa prej propozimeve që Escobar i ka bërë në takim.
“Patëm një diskutim shumë të mirë dhe e kam bërë shumë të qartë që askush s’ka nevojë të dëgjojë storie të njerëzve që preken më së shumti nga ky vendim. Sigurisht që ne prekemi nga storiet e njerëzve dhe ndikimin që ka pasur ky vendim në ta. Kryeministri ka marrë parasysh dhe premtuar që do t’i marrë parasysh disa prej propozimeve që i kam bërë sot”, ka thënë Escobar./vizionplus.tv/
