Dy laboratorë për prodhimin e kriptomonedhave janë sekuestruar në Shijak, ndërsa policia arrestoi 3 persona dhe shpalli në kërkim 4 të tjerë.
Në pranga ranë Liserxhio Xhaferaj, Rramush Dumani dhe Ardian Çekiçi.
Ata kishin ngritur dy laboratorë për prodhimin e kriptomonedhave: një në fshatin Pjezë dhe tjetrin në fshatin Fllakë, me një investim afro nje milione euro.
Ndryshe nga herët e tjera, autorët kishin instaluar panele diellore për energjinë elektrike.
Sipas policisë, ata kishin kërkuar të regjistronin aktivitetin e tyre, por nuk ishin legalizuar pasi Autoriteti i Mbikqyrjes Financiare nuk i kishte lejuar.
Gjatë operacionit, policia sekuestroi 631 pajisje elektronike për prodhimin e kripto-valutave, 630 panele diellore si dhe materiale të tjera komjuterike.